നിർബന്ധിത അവയവശേഖരണം (Forced Organ Harvesting-FOH) എന്നത് അവയവ കടത്തലിന്റെ ഒരു രീതിയാണ്, അതിൽ അവയവങ്ങൾ മാറ്റിവെക്കുന്നതിനായി ജനങ്ങളെ കൊന്നശേഷം അവരുടെ അവയവങ്ങൾ നീക്കം ചെയ്യുന്നു. ചൈനീസ് സർക്കാർ കോടിക്കണക്കിന് ഡോളർ വിലമതിക്കുന്ന ഒരു കൊലപാതക-അവയവ വ്യാപാര വ്യവസായം നടത്തിവരുന്നു.

1980-കളിൽ ചൈന വധശിക്ഷയ്ക്ക് വിധിക്കപ്പെട്ട തടവുകാരിൽ നിന്ന് അവയവങ്ങൾ ഉപയോഗിക്കുമായിരുന്നു, വ്യാപകമായി അപലപിക്കപ്പെട്ട ഒരു രീതിയായിരുന്നു അത്. 1999 മുതൽ, ഫാലുൻ ഗോങ് (ബുദ്ധിസ്റ്റ് ചീഗോങ്ങും ധ്യാനവും) പരിശീലകർ പ്രധാന ഇരകളായി മാറി, ഓരോ വർഷവും 60,000 മുതൽ 100,000 വരെ അവയവമാറ്റങ്ങൾ നടന്നുകൊണ്ടിരിക്കുന്നു. 2017 മുതൽ, ഉയ്‌ഗറുകളെയും (പ്രധാനമായും തുർക്കി മുസ്ലീം വംശീയ വിഭാഗം) കിഴക്കൻ തുർക്കിസ്ഥാനിൽ നിന്നുള്ള മറ്റ് ന്യൂനപക്ഷങ്ങളെയും വൻതോതിൽ തടവിലാക്കിയിട്ടുണ്ട്. ചൈനീസ് കമ്മ്യൂണിസ്റ്റ് പാർട്ടി, അവയവങ്ങൾക്കായി അവരെയും കൊലചെയ്യുന്നുവെന്നതിന് തെളിവുകൾ ലഭിക്കുന്നുണ്ട്. തടങ്കലിൽ കഴിയുമ്പോൾ ഫാലുൻ ഗോങ് പരിശീലകരെയും ഉയ്ഗറുകളെയും അവരുടെ അവയവങ്ങളുടെ ആരോഗ്യം പരിശോധിക്കുവാൻ നിർബന്ധിതമായി അവയവ സ്കാനുകൾക്ക് വിധേയരാക്കപ്പെട്ടു.

ടിബറ്റുകാരെ ചൈനീസ് ഭരണകൂടം നിരവധി വർഷങ്ങളായി പീഡിപ്പിച്ചു വരുന്നു, അവരോടൊപ്പം ഹൗസ് ക്രിസ്ത്യാനികളും ഇരകളാക്കപ്പെട്ടിട്ടുണ്ടാകാമെന്നാണ് വിശ്വാസം.

ഫാലുൻ ഗോങ്ങ് പരിശീലകർ – ബുദ്ധിസ്റ്റുപാരമ്പര്യത്തിലെ ഒരു ധ്യാന പരിശീലനമാണ് ഫാലുൻ ഗോങ്ങ്, പുരാതന ചൈനീസ് പാരമ്പര്യങ്ങളെ അടിസ്ഥാനമാക്കിയുള്ള ആരോഗ്യവും ആത്മവികസനവും മുൻനിർത്തിയുള്ളതാണ്, ഇത് സത്യസന്ധത കാരുണ്യം സഹനം എന്നീ മാർഗ്ഗനിർദ്ദേശതത്വങ്ങൾ പിന്തുടരുന്നു. 1999 മുതൽ, ചൈനീസ് കമ്മ്യൂണിസ്റ്റ് പാർട്ടി ഫാലുൻ ഗോങ്ങ് പരിശീലകർക്കെതിരെ പീഡനപരമ്പര ആരംഭിച്ചതോടെ, അവർ പ്രധാന ഇരകളായി മാറി.

ഉയ്ഗറുകൾ – ഉയ്ഗറുകൾ വംശപരമായും സാംസ്കാരികമായും തുർക്കി വംശജരാണ്. അവർ മദ്ധ്യേഷ്യയിലെ നിരവധി പ്രദേശങ്ങളിലെയും, പ്രത്യേകിച്ച് വടക്കുപടിഞ്ഞാറൻ ചൈനയിലെ ഷിൻജിയാങ് ഉയ്ഗർ സ്വയംഭരണ പ്രദേശം/ഈസ്റ്റ് തുർക്കിസ്ഥാൻ പ്രദേശത്തെയും താമസക്കാരാണ്. ഉയ്ഗറുകൾ പ്രധാനമായും സുന്നി മുസ്ലീങ്ങളാണ്, അവർ ശാന്തമായ ഒരു ഇസ്ലാമിക രീതിയാണ് പിന്തുടരുന്നത്, കൂടാതെ പ്രധാനമായും മതേതരജീവിതമാണ് നയിക്കുന്നത്. 2017 മുതൽ, ഉയ്ഗറുകൾ വലിയ തോതിൽ തടവിലാക്കപ്പെടാൻ തുടങ്ങി, തടങ്കലിനിടെ നിർബന്ധിത അവയവ പരിശോധനയ്ക്ക് വിധേയമാക്കപ്പെടുന്നതായി റിപ്പോർട്ടുകൾ പുറത്ത് വന്നു.

വലിയ തോതിൽ നിർബന്ധിത അവയവശേഖരണ പരിപാടി ചൈന നടത്തുന്നുണ്ട് എന്നതിന്റെ തെളിവുകൾ നിരവധിയുണ്ട്.

2020-ൽ, ചൈന ട്രൈബ്യൂണൽ വിപുലമായ തെളിവുകൾ അവലോകനം ചെയ്തു. “ന്യായമായ സംശയത്തിനപ്പുറം … ചൈനയിൽ നീതി വിരുദ്ധമായി തടവിലാക്കപ്പെട്ടവരിൽ നിന്ന് നിർബന്ധിത അവയവം ശേഖരിക്കൽ ദീർഘകാലമായി നടന്നുവരികയും വളരെ ഗണ്യമായ അത്രയും ഇരകളും ഉൾപ്പെട്ടിട്ടുണ്ട്” എന്ന് അത് സ്ഥിരീകരിച്ചു.

സമീപകാലത്ത്, ഐക്യരാഷ്ട്രസഭയുടെ പന്ത്രണ്ട് പ്രത്യേക റിപ്പോർട്ടർമാരും മനുഷ്യാവകാശ വിദഗ്ധരും ചേർന്ന് ചൈനീസ് സർക്കാരിന് സംയുക്തമായി ഒരു കത്തയച്ചിട്ടുണ്ട്. ഈ കത്തിൽ, മനുഷ്യാവകാശ ലംഘനങ്ങളുമായി ബന്ധപ്പെട്ട് വിശ്വസനീയമായ തെളിവുകൾ ഉള്ളതായി അവർ വ്യക്തമാക്കുന്നു. പ്രസ്താവന മുഴുവൻ ഇവിടെ വായിക്കാം, കൂടാതെ ചൈനയ്‌ക്ക് അയച്ച പൂർണ്ണ കത്തിടപാടുകളും ഇവിടെ ലഭ്യമാണ്. Read the press release here and the full correspondence issued to China (here).